ახალი წლის გავლენა ჩვენს კბილებზე - რა უნდა გავითვალისწინოთ?

ახალი წლის დღეებში განსაკუთრებული დატვირთვა კბილებზე მოდის და ერთ-ერთი ყველაზე მნიშვნელოვანი საკვები კომპონენტი, რომელიც ცუდად მოქმედებს კბილების ჯანმრთელობაზე არის შაქარი. რაც უფრო დიდი რაოდენობით ვღებულობთ მას, მით უფრო სწარაფად იზრდება ბაქტერიების რაოდენობა პირის ღრუში, რაც იწვევს კბილის დაშლას.

‍

შაქარი და კბილის კარიესი

‍

ხშირად გვსმენია, რომ შაქრიანი საკვები კბილის კარიესის გამომწვევ მიზეზთაგან უპირველესია. თუ რატომ, ამაზე დეტალურად ჩვენს ბლოგში წაიკითხავთ.

‍

კარიესის დროს მიმდინარეობს კბილის მაგარი ქსოვილების დემინერალიზაცია და დარბილების შემდგომ ღრუს წარმოქმნა. ადამიანის პირის ღრუში ძალიან დიდი რაოდენობით მიკროორგანიზმია, რომლებიც სწრაფად მრავლდებიან. კარიესის მიზეზი კი სწორედ ეს მიკროორგანიზმებია, რომლებიც კბილის მაგარ ქსოვილებზეა.  კბილების გახეხვიდან რამდენიმე საათის შემდეგ, ბაქტერიების რიცხვი შეიძლება მილიონამდე გაიზარდოს და ნებისმიერი კარიესი იწყება იმით, რომ პირში იქმნება ბაქტერიების გამრავლებისთვის ხელსაყრელი პირობები.

‍

გაითვალისწინეთ, რომ კბილებისთვის კრიტიკულია არა ის, თუ რა რაოდენობით ვღებულობთ ტკბილეულს, არამედ ის, თუ  რამდენად ხშირია ეს პროცესი. ნერწყვს სჭირდება დრო, რომ გაანეიტრალოს შაქრის მავნე ზემოქმედება.  კბილებისთვის შედარებით ნაკლებ საზიანო იქნება, თუ თქვენ ერთ ფილა შოკოლადს ერთ ჯერზე მიირთმევთ, ვიდრე ის, თუ მას  გადაანაწილებთ დღის სხვადასხვა პერიოდზე.

‍

მართალია, შაქრის მოხმარებაზე უარის თქმა რთულია და მას რაციონიდან მთლიანად ვერ ამოვიღებთ, ვინაიდან ის უამრავი პროდუქტის შემადგენლობაშია, ამიტომ ესკულაპი გირჩევთ, მაქსიმალურად შეზღუდოთ მისი მოხმარება და ყოველი მიღების შემდეგ აუცილებლად გაიხეხოთ კბილები. დაიმახსოვრეთ, რომ კბილებისთვის ყველაზე სასარგებლო პროდუქტი რძის ნაწარმია (რა თქმა უნდა, იმ შემთხვევაში, თუ ადამიანს არ აღენიშნება ალერგია ან რძის მომნელებელი ფერმენტების უკმარისობა).

‍

რძის ნაწარმი შეიცავს კალციუმს, მაგნიუმს და ფოსფორს. ეს ელემენტები აჯერებენ ნერწყვს სასარგებლო ნივთიერებებით, რაც კარგად აისახება კბილების ჯანმრთელობაზე.

‍

რატომ არის საახალწლო არდადეგები უფრო საშიში კბილებისთვის?

‍

‍ჩვენ უკვე განვიხილეთ შაქრის შემცვლელი საკვების მავნებლობა, თუმცა უნდა აღინიშნოს ისიც, რომ არანაკლებ მავნებელია ხშირი საჭმლის მირთმევა - თუნდაც ეს მხოლოდ ტკბილეული არ იყოს - ნებისმიერი საკვები იწვევს კბილების გაფუჭებას.

‍

და მაინც, როგორ უზრუნველვყოთ ჯანსაღი დასვენების სეზონი?

‍

მიირთვით ტკბილეული მხოლოდ ჭამის დროს, თუ ეს შესაძლებელია. მაგრამ თუ ტკბილეული თქვენ საკვების მაგივრობას გიწევთ, მიაყოლეთ მას ერთი ჭიქა ონკანის წყალი.

‍

ჭამის შემდეგ, გაიხეხეთ კბილები ან  გამოიყენოთ კბილთაშორისი საწმენდი ძაფები. ამასთან, დღეში ორჯერ (ან მეტჯერ) კბილების გახეხვა მაინც საუკეთესო მეთოდია თქვენი კბილების ჯანმრთელობის შესანარჩუნებლად, ამის გაკეთება შეგიძლიათ ფტორის შემცველი კბილის პასტით.

‍

გამოიყენეთ პირის ღრუს სავლები – განსაკუთრებით მაშინ, თუკი გაწუხებთ პირის უსიამოვნო სუნი, სწორედ ეს შეიძლება იყოს ნიშანი იმისა, რომ თქვენი კბილები ბაქტერიების ძლიერი მოკავშირეა.

‍

გაიარეთ კონსულტაცია ჩვენს სტომატოლოგთან, რომელიც ადგილზევე გირჩევთ, თუ რომელი კბილის სავლები უნდა გამოიყენოთ.

დააბალანსეთ ტკბილეული  ჯანსაღი დიეტით – მაგალითად, ისევე, როგორც შაქარი და მჟავე საკვები ხელს უწყობს ბაქტერიების ზრდას, ჯანსაღი საკვები რეალურად ახშობს ბაქტერიებს და კბილების გაწმენდაშიც კი გეხმარებათ. როგორ? როდესაც ჭამთ, თქვენ გამოიმუშავებთ ნერწყვს და ეს ნერწყვი წმენდს თქვენს კბილებს.

‍

შენიშვნა: გაითვალისწინეთ ზოგიერთი ჯანსაღი საკვები, როგორიცაა თხილი, ნიგოზი, ეს მყარი საკვებია და შესაბამისად, შესაძლოა კბილის დაზიანება გამოიწვიოს.

‍

მოერიდეთ ალკოჰოლის გადაჭარბებულ მიღებას - ალკოჰოლის მოხმარება ამცირებს ნერწყვის გამომუშავებას - განსაკუთრებით ძილის დროს. ასე რომ, ზედმეტი დალევა აჩქარებს კბილების გაფუჭებას. და ბოლოს, საუკეთესო, რაც შეგიძლიათ გააკეთოთ არდადეგების დროს, ეს არის უზრუნველყოთ, რომ საახალწლო წვეულებების შემდეგ, დაგეგმოთ ვიზიტი თქვენს სტომატოლოგთან.

‍

თუ არ გაქვთ დაგეგმილი სტომატოლოგთან შეხვედრა ან არ გყავთ პირადი სტომატოლოგი, იცოდეთ, რომ ესკულაპის პროფესიონალთა გუნდი ყოველთვის მზად არის გაგიწიოთ კონსულტაცია და იზრუნოს თქვენს ჯანმრთელ ღიმილზე.

‍

ჩვენი ექიმები შეაფასებენ თქვენი პირის ღრუს ჯანმრთელობის მდგომარეობას უახლესი მეთოდებით, რომელიც ხელმისაწვდომია ჩვენს ორივე ლოკაციაზე:

‍

თბილისი, გამრეკელის 1 და ლვოვის 63

‍

დეტალური ინფორმაციის მისაღებად ჩაეწერეთ კონულტაციაზე ან დაგვირეკეთ:

‍

032 238 59 29

‍

032 238 25 68

‍

+995 555 543 444

‍

‍

‍

‍

‍